La Dictada occitana a niça es estada un succès dei grands

Un succès public du à la mobilisation des acteurs locaux agissant ensemble selon JP Spies (photo XDR)

En aqueu matin dau dissabta 25 de genoier, coma dins un trentenau d’autri comunas, siguèron 160 personas que faguèron lo desplaçament sus la Promenada e que si recampèron au CUM per la dictada occitana a Niça, 160 participants plen d’estrambòrd, joves e ancians, li personalitats de la comuna, lu presidents de li associacions partenàrias (Asso des professeurs de langues régionales APLR, Fédération des Associations du Comté de Nice, Institut d’Estudis Occitans 06, Nissa per Tougiou) de la Vila de Niça que coordona embé lo servici Lenga Cultura e Tradicions dirigit da Stan Palomba l’organizacion d’aquesta fèsta de la lenga.

Seissanta liceans e de colegians, environats de monde venguts de toi lu cantons e de toti li associacions participèron a l’organizacion embé la comuna !
Una capitada per la lenga.

JP Spies : "Ouverts et ensemble nous réussissons !"

Le maire de Nice et président de la Métropole avec son adjoint délégué à l'Education Jean-Luc Gagliolo (photo XDR)

Christian Estrosi, Cònsol de Niça e President de la Metropòla Niça Còsta d’Azur, venguèt pi arremerciar li associacions d’aquest eveniment d’importança per la lenga.

Èra acompanhat d’Anthony Borre, premier ajonch, delegat a la Seguritat, au Lotjament e a la Renovacion urbana, e de Jean-Luc Gagliolo, ajonch delegat a l’Educacion, a la Cultura a l’escòla, au Libre, a la Lucha còntra l’illetrisme, a l’Identitat niçarda e ai Lésers per toi.

Joan-Pèire Spies si ralegrèt de veire tot aqueu monde afogat de la lenga recampat, e de cen que podèm faire per anar de l’avant quora siam duberts per travalhar ensems.

Siguèt urós d’anonçar finda que la reedicion de l’òbra de Rancher, La Nemaïda, mesa a l’onor per la dictada dau 2024, siguèt estada causida per èstre au programa de l’agregation d’occitan langue d’oc, e qu’ensinda lo nòstre parlar niçard es fòrça valorisat dins tot l’espaci occitan au nivèu lo mai aut.

la présence affirmée des femmes et des jeunes a marqué cette édition

Enfin, Joan-Pèire Spies placèt aquesta dictada sota dau signe de la joinessa e de li fremas, en congratulant toi tu escolans presents, denant de presentar l’autor de la dictada dau jorn, Geremia Marçais.

Responsables associatifs, officiels de l'Education Nationale et Elus locaux discutent de l'avenir des enseignements de langue régionale avec Jérémie Marçais, l'auteur du texte de la Dictada(photo XDR)